INTRODUCTION
|
Ka jingstet ki kam pynroi bad ka jingroi stet ka jingbun briew ki la ktah jur shibun eh ia ka mariang ha ka ban pynioh ia ki jingdonkam jong u khunbynriew. Kane ka la pynlong ia u briew ba un mushlia bad pyndonkam jubor ia ka mariang kaba wanrah pat ia ka jingpynjulor ia ka. Ha Meghalaya ruh, ka jingtlor noh jong ka mariang ka jur bha khamtam na ka jingtuid noh ka khyndew. Kane ka long na ka daw ka jinglong lum ki jaka puta bad ka jingjur than u slap ha kane ka jylla. Shuh-shuh, rukom pyndonkam ia ki rukom rep kum ka rep shyrti bad rep bun, ka jingpynduh bad jingthang ia ki khlaw ki btap, ka jingpynbam phlang palat ia ki jingri jingdup, bad ka jingtih madei mata ia ki mar poh khyndew bad kiwei kiwei kiba la nang ktah jur shuh-shuh ia ka jinglong ka mariang ha ka jylla. |
Ka dur jong ka lawei badum kaba ap ia ngi..... |
Ka jingkhot ba kongsan namarkata, ka long ban ialeh pyrshah ia ka jingpyntroiň noh ia ki khuiň mariang kiba kynthup ia ka khyndew, ka um bad ki jingthung jingtep bad ban pynneh ia ki na ka bynta ban wanrah ia ka roi ka par kaba neh bad ban iada ia ka mariang. Kane ka donkam ia ka jingwanrah bad jingpyntrei da ki buit stad ka juk mynta ban iada ia ki jaka rep bad ki jaka syllai na ka jingtuid noh ka khyndew; ban pynsboh biang ia ka khyndew bad ban pynbha biang ia ki jaka ba la shah pynjulor.
Pyndonkam ia ka khyndew katkum ka jinglah jong ka bad pyntrei ia ki rukom pynneh mariang kiba dei |
Ha kaba iadei bad kane, ka Soil & Water Conservation Department ka la leh ia ka bynta kaba khraw ha kaba pynneh ia ki tlong mariang, khamtam ka khyndew, ka um bad ki jingthung jingtep. Ki jingthmu jong ka Department ki long ym tang ban iada na ka jingpynjulor ia ka mariang, hynrei ruh ban pynbiang ia ki paidbah khamtam ha ki jaka nongkyndong ia ki lad jingiarap ba ki donkam bad kumjuh ban thaw da kiwei pat ki lad rep ban pynlong ia ki ban iehnoh ia ki rukom rep ba bakla bad da kaba leh kumta kan wanrah ia ka jingkiew ha ka kyrdan kamai kajih bad ka ioh ka kot jong ki. |